وجّه محمد صلاح، قائد منتخب مصر الأول لكرة القدم، رسالة غامضة إلى اللاعبين والجماهير، في حضور وزير الشباب والرياضة الدكتور أشرف صبحي، وجمال علام، رئيس اتحاد الكرة المصري، بعد الخَسارة أمام السنغال، وفشل التأهل إلى كأس العالم 2022 في قطر.
وقال صلاح، خلال فيديو نشرته الصفحة الرسمية لوزارة الشباب والرياضة من داخل غرف خلع الملابس عقب المباراة: قلت لكل اللاعيبه إمبارح وبقولهم النهاردة، أنا فخور إني لعبت معاكم وكمان أنا لحقت الجيل القديم واللاعيبه دي من أرجل الناس اللي لعبت معاهم.
وأضاف: اللي حصل محدش يقدر يتدخل فيه، لأننا خسرنا ركلات الترجيح لتاني مرة، كان ليا الشرف إني لعبت معاكم، سواء أنا موجود أو مش موجود.
من جانبه أعرب محمد النني عن حزنه الشديد بسبب الخَسارة أمام السنغال، حيث قال: حقنا إننا نزعل، اللاعيبة رجالة وعملت اللي عليها، وبنشكر اتحاد الكرة، بس إحنا زعلانين عشان ده حلم كان لازم نوصله، لكن مش هننكسر. وإن شاء الله الجاي يكون أفضل ونتعلم من الدرس.