التقى الرئيس عبدالفتاح السيسي، مع عدد من الشباب المشارك في منتدى شباب العالم بشرم الشيخ، منذ قليل وقال مرحبا بهم: “أرحب بكم على أرض مصر، لنتحدث بكل أريحية ولنسمع لبعضنا البعض وأهلا وسهلا بكم”.
وأضاف الرئيس خلال كلمته، “وصل الأمر أنهم عايزين فقرة في الدستور أنه لا يتم توظيف حد إلا لما يتدرب في وقولت ده كتير خليها وسيلة لتولي المناصب القيادية في الدولة.. التوجه العام في الدولة هو التشارك والمشاركة.. ويالا مع بعض مش علشان اسكتك.. لا اتكلم وقول لكن خلي الكلام يبقى موضوعي”.
وتابع على هامش منتدى شباب العالم ، “لكن خلي اللي بتقوله يكون بناء عن دراية .. وأنا معاك وأتمنى من المحافظين أو الوزراء إنهم يعطوا الفرصة للجيل ده.. مش هيزاحمني.. ولا حتى يزاحمني.. فيها إيه لما يزاحمني.. مانا كدة كدة هسيب المكان.. أجهزه كويس جدا وماحجبش عنه خبرة أو معلومة واديله فرصة وأدربه تحت السيطرة”.
وقال الرئيس، “النقطة الخاصة بالشباب وتمكينهم .. طب أنا لقيت إن لسة فكرة تولي الأحزاب لسة ماجبتش الصدى بتاعها قولت هستنى لما يقولو الأحزاب وبعد كدة يخشوا الانتخابات التشريعية وبعدين نعين منهم طب مانا أخد خطوة للأمام وأعين منهم دلوقتي ولما الأحزاب تبقى جاهزة الفرصة تبقى متاحة بالتدافع الطبيعي .. هي دي الحكاية يعني”.
وأبدى عدد من الشباب الأفارقة المشاركون في منتدى شباب العالم، سعادتهم بتنظيم المنتدى ومشاركتهم في هذا المؤتمر الدولي الكبير الذي يجمع الشباب من مختلف أنحاء العالم.
منتدى شباب العالم.. محاكاة الاتحاد من أجل المتوسط
كان الرئيس السيسي قد أكد خلال مشاركته في جلسة نموذج محاكاة الاتحاد من أجل المتوسط في اليوم الثالث من منتدى شباب العالم ، أن مصر تعمل الآن على خطة ضخمة جدا للتعامل مع البحيرات المطلة على البحر المتوسط لإعادتها إلى حالة هي الأفضل من 60 عاما حيث يتم العمل على بحيرات بمساحة 250 ألف فدان .
وقبل الافتتاح شهد منتدى شباب العالم عددا من الورش التحضيرية مثل “مستقبل مهارات الشباب في ظل الثورة الصناعية”، وتمكين الأشخاص ذوي الإعاقة نحو عالم متكامل وبعض نماذج المحاكاه وتطبيقات الذكاء الإصطناعي في ظل الثورة الصناعية وروية الشباب نحو التعامل مع التحديات الراهنة.