التقى الرئيس عبد الفتاح السيسي ، بعدد من الشباب على هامش منتدى شباب العالم 2019 في شرم الشيخ ، منذ قليل، في إطار لقاء مفتوح مذاع على التلفزيون المصري، وتطرق الحديث إلى .
وقال السيسي ، “أفكركم بمبادرة البنية الاساسية .. فيه ارتباط كبير جدا بين الاستقرار وبين النزاع .. التنمية والصراع .. كل ما يبقى فيه تنمية أكتر يقل الصراع.. والعكس صحيح .. الشباب عايز يعيش .. طيب لو الدول ماخدتش بالها وماجريتش تنمي في نفسها وتعمل فرص لشبابها الشباب هيتحرك لا محالة”.
وأضاف السيسي “هو في الآخر عايز فرصة .. فلما نيجي نتكلم عن البنية الأساسية القارية اللي بنتكلم فيها ده .. انتوا شايفين اللي أنا شايفه ده؟ إنك تطلع من مصر هنا توصل لغانا أو نيجيريا سواء بسكة حديد أو بطرق عادية .. أو بخطوط طيران دول كتير لحد دلوقتي مفيش خط طيران مباشر .. تخيل .. الدولة جنبك على مسافة ألف كيلو تروحلها مثلا 3 أو 4 آلاف كيلو لدولة أوروبية علشان توصلها مفيش كدة أبدا غير في أفريقيا”.
وتابع، “كمان في موضوع النزاعات مش موضوع عمل عسكري فقط.. لكن ابني ابني فيه وأنا بقولك إنك هتلاقي الاستقرار بشكل كامل .. هل النتائج المتوقعة ممكن تبقى فعلا نرى خلال العام القادم إن كل الأزمات اللي موجودة انتهت؟ اتمنى ذلك”.
كان الرئيس السيسي قد أكد خلال مشاركته في جلسة نموذج محاكاة الاتحاد من أجل المتوسط في اليوم الثالث من منتدى شباب العالم ، أن مصر تعمل الآن على خطة ضخمة جدا للتعامل مع البحيرات المطلة على البحر المتوسط لإعادتها إلى حالة هي الأفضل من 60 عاما حيث يتم العمل على بحيرات بمساحة 250 ألف فدان .
وقبل الافتتاح شهد منتدى شباب العالم عددا من الورش التحضيرية مثل “مستقبل مهارات الشباب في ظل الثورة الصناعية”، وتمكين الأشخاص ذوي الإعاقة نحو عالم متكامل وبعض نماذج المحاكاه وتطبيقات الذكاء الإصطناعي في ظل الثورة الصناعية وروية الشباب نحو التعامل مع التحديات الراهنة.