أعلن الرئيس عبد الفتاح السيسي، أنه تم صرف رقم لا يخطر على بال أحد في سيناء، مقدره بمئات المليارات.
جاء ذلك في فقرة اسأل الرئيس على هامش المؤتمر الوطني الثامن للشباب، الذي أقيم مساء السبت بالقاهرة.
السيسي: نحاول تعويض مصر مما فاتها من البناء والتنمية
وقال السيسي: “إحنا بنتكلم النهاردة بقالنا 6 سنين، ولما اتكلمنا عن البناء والتنمية قولنا إننا لازم نعوض كتيرمن السنين اللي فاتت”.
وأضاف: “لما بتكلم في النقاط دي وبقول مدن جديدة وكلام من هذا القبيل البعض بيتصور إن ده ترف”.
وتابع: ” حالة التصور المسار اللي احنا ماشيين فيه ده كبار الأساتذة في الجامعة اتشكلت بيهم لجنة على مدار 6 شهور”.
السيسي: اقترضنا أموال كتير لسيناء مش كلها أموال من موازنة الدولة
وعن سيناء قال السيسي: “خدنا من الصناديق العربية لسيناء”.
وأضاف: “إحنا صارفين في سيناء رقما لا يخطر على البال، بتكلم في مئات المليارات، وفيه محطة معالجة مياه واحدة فقط تتكلف عدة مليارات”.
وتابع: “اقترضنا أموال كتير لسيناء مش كلها أموال من موازنة الدولة”.
وشدد على أهمية التغيير والتطوير، قائلا: “لابد إننا نتحرك ونغير البلد ونعالج القصور والنقص اللي استمر وتعاظم خلال السنين اللي فاتت”.