قال الرئيس عبد الفتاح السسي إن القيادة العراقية ارتكبت خطأ كبيرا ترتب عليها تداعيات كثيرة للغاية.
وأضاف السيسي على هامش منتدى شباب العالم بشرم الشيخ، اليوم الثلاثاء: أنا فاكر العراق كويس، كانت دولة مستقرة متطورة متقدمة، اقتصادها قوي جدا، العلم والمعرفة عندها جيد جدا، قياسا بواقعنا العربي، ولكن المسئول عن الدولة إذا أخطأ يمكن الخطأ بتاعه يدفع تمنه الوطن كله ، زي ما إذا أصاب الوطن كله بيستفيد.
وتابع السيسي: لكن على كل حال العراق كانت كدة وأرجو أن الكلام ده مايسببش حاجة يعني، وفيه خطأ كبير حصل من القيادة في الفترة دي سنة 90 و 91 وترتب عليها تداعيات كتير جدا حصلت في العراق، أي دولة في العالم حينما تداعى بيقى مسلسل التراجع في أداءها يصعب إيقافه إلا بظروف خاصة جدا، يعني لغاية 2003 كان ممكن العراق تعوض الخطأ أو تصوبه وتستعيد نفسها في سنوات قريبة.
واستكمل: كان ممكن كل اللي فات يتصلح، لكن حصل تدخل في 2003 في العراق، أدى إلى إسقاط الدولة ومؤسساتها وعلى رأسها الجيش والمؤسسات الأمنية، لما حصل كدة، أسقط وهد وابني تاني ده صعب وبياخد سنين طويلة جدا مع فرضية نجاح الخطة، لأن في الآخر بتتعامل مع بشر وكيانات ومع ظروف كتير جدا، الانسجام اللي كان موجود والنسيج اللي كان متماسك حتى لو ماكنش مرضي عنه بس كان موجودة.
وأشار الرئيس السيسي إلى أن “إعادة بناء ما تم تدميره يحتاج أموالا كثيرة جدا، مليارات من الدولارات وده الأمر اللي بنقول عليه يا جماعة ياللي قولتوا نحرك الناس ونهد وبعدين نبقى نبني، اللي بيتهد مش هيتبني تاني ودي رسالتي قولتها كتير بقول خلي بالكم من بلادكم خلي بالكم من بلادكم، لأن البلاد لما يحصلها أذى بيبقى صعب تقوم مرة تانية.