اكد الرئيس عبد الفتاح السيسي ان قضية الارهاب لن تنتهي وستستمر عدة سنوات ، لكنه حذر من أن أكبر خطر يواجه مصر هو تماسكها الداخلي ، مؤكدا ان كافية التحديات الاخرى يسهل مجابهتها بما فيها الارهاب.
وقال السيسي : خايفين من التنظيمات ؟ ليكم حق .. الارهاب والدول تدخل في بلدكم .. ليكم حق وليكم كل الحق .. بس انتم صمام الامام لمصر .. انتم شعبها .. ماحدش يلغبطكم يعني .. بقى يجي اليوم اللي يقعد يقول ان فيه فواتير بأكل وفواتير بشرب .. قولتها علشان خاطركم .. فالارهاب قضية هتفضل معانا سنين طويلة .
جاء ذلك خلال جلسة اسأل الرئيس، في ختام المؤتمر الوطني الثامن للشباب، التي رد فيها الرئيس السيسي على جانب من اسألة الشباب .
لفت الرئيس إلى أن عدد الارهابيين بالمنطقة حاليا وصل لنحو ربع مليون ، مؤكدا أن المناعة الداخلية للشعوب هي السبيل لمواجهة هذا التحدي.
السيسي : ربع مليون إرهابي بالمنطقة تقريبا
وقال الرئيس : لما بقول عايزين مناعة داخلية .. التنظيمات النهاردة بنتكلم على ربع مليون ويكفيكم ألف .. لان هما لابسين زينا كدة وعايشين في وسطينا .. طريقتهم مختلفة كلها تعتمد على التستر والتسلل .. مفيش مجابهة مباشرة .. فيه ربع مليون ارهابي النهاردة.
وأعاد الرئيس التذكير بما حذر منه منذ نحو 5 سنوات حينما تسائل عن مصير ووجهة الارهابيين في الدول العربية المضطربة بعد انتهاء القتال.
الجيش والشرطة هما اللي هيدفعوا حياتهم ودمهم
وتابع: قولت من 5 سنين لو تفتكروا المقاتلين الاجانب في سوريا وغيرها هيروحوا فين بعد انتهاء القتال .. النهاردة الناس تنبهت للخطر والدول دي بقى عندها القوانين والاعلام لشرعنة أي شيء .. الحجم بيزيد والعمليات بتزيد .. المشكلة عندي ان احنا كمصريين نبقى بس متماكسين .. والباقي الجيش والشرطة هما اللي هيتلقوا الضربة وهما اللي هيدفعوا حياتهم ودمهم.
واجتمع اليوم السبت أكثر من 1600 شاب من مختلف المحافظات يمثلون شباب البرنامج الرئاسي وشباب الجامعات مع شباب السياسيين وشباب المهندسين العاملين في المشروعات القومية، تحت مظلة المؤتمر الوطنى للشباب فى نسخته الثامنة.
وتناولت ا أثر الاكاذيب والشائعات التي تروجها وسائل التواصل الاجتماعي على الفرد والمجتمع ، وكذلك الطرق التكنولوجية لفبركة الحقائق والاخبار وحتى الفيديوهات والاصوات.