أكد الرئيس عبد الفتاح السيسي ، أن جميع شركات جهاز مشروعات الخدمة الوطنية ، التابع للقوات المسلحة ، تسدد ما عليها من التزامات مالية تجاه الدولة ، مقابل خدمات الكهرباء والطاقة والمياه وغيرها ، بالإضافة إلى الضرائب ، مشيرا إلى أن تلك الشركات لا تتمتع بميزات مختلفة عن شركات القطاع الخاص على مستوى تكاليف الإنتاج والتشغيل.
جاء ذلك على هامش افتتاح الرئيس السيسي المرحلة الثانية من مجمع الصناعات الغذائية (سايلو فودز)، بمدينة السادات في محافظة المنوفية ، صباح اليوم.
ووجه الرئيس حديثه إلى اللواء أركان حرب وليد حسين أبو المجد، مدير عام جهاز مشروعات الخدمة الوطنية متسائلا : هل انتو بتدفعوا تكلفة الكهرباء والمياه والخدمات اللي بتاخدوها من الدولة ولا بتاخدوها كدة ؟ .. طب بتدفعوا ضرايب ولا مابتدفعوش؟
ليجيب مدير جهاز مشروعات الخدمة الوطنية : كل الشركات التابعة للجهاز تخضع لرقابة الجهاز المركزي للمحاسبات والأجهزة الرقابية للقوات المسلحة ، بالإضافة لكدة احنا مسددين عن العام المالي 2022 حوالي 14 مليار جنيه ، منهم 6 مليار للكهرباء ، و3 مليار جنيه للغاز ، و4.5 مليار جنيه للضرائب ، وتأمينات اجتماعية سددنا 230 مليون جنيه للتأمين على العمالة المدنية الموجودة بالجهاز.
وتابع الرئيس السيسي : أنا بقول الكلام ده لحضراتكم وللناس في مصر كلهم .. الكلام ده رئيس الوزراء ووزير المالية ووزير الكهرباء عارفينه .. لكن بقوله علشان يقال إن الفرصة اللي الجهاز ده واخدها مش واخداها الناس التانية ، ممكن الكلام ده يكون في بعض النقاط ، زي القدرة في النفاذ لتنفيذ القرار .. ممكن يبقى أسرع .. لكن ده مش معناه على حساب المنافسة الحقيقية في تكلفة الإنتاج والتشغيل .. مش كدة يا وليد ؟؟
ليجيب مدير جهاز مشروعات الخدمة الوطنية : زينا زي القطاع الخاص يافندم.
وأشار الرئيس إلى ما أعلن عنه مجلس الوزراء أمس الأربعاء ، عن أن الطروحات الحكومية المزمعة حتى نهاية الربع الأول من 2024 ، وتشمل طرح أسهم في 32 شركة ، تتضمن أيضا شركتي صافي للمياه ، ومحطات وطنية لتموين البنزين ، التابعتين لجهاز مشروعات الخدمة الوطنية ، مؤكدا أن الدولة على استعداد لمشاركة القطاع الخاص في كافة الشركات التي تخضع لإشراف القوات المسلحة المسلحة ، بجانب شركات القطاع العام.
وقال الرئيس السيسي : مع الوضع في الاعتبار اننا منزلين شركتين ضمن الطروحات الحكومية ، ومستعدين ننزل كل الشركات ومش بس كدة مستعدين أيضا للشراكة ، لأن الهدف من الموضوع تحقق ، بقينا النهاردة بنقول عايزين نعمل تغذية مدرسية مؤمنة خلاص اتحققت وبقى فيه عمل مؤسسي ليها وبقى فيه سلامة غذاء متحققة وبالتالي لما يجي النهاردة يبقى معانا قطاع خاص هيضيف أكيد حوكمة أكتر وأداء أفضل ، احنا معندناش مشكلة كدولة مش بس حتى في جهاز الخدمة الوطنية لا ، إحنا بنتكلم في كل مؤسسات وشركات القطاع العام ، الأمر ده متاح وبقوله للناس اللي بيسمعونا من القطاع الخاص.